Vedomstvoaralyq komıssııanyń 2020 jylǵy 11 tamyzdaǵy sheshimine sáıkes 17 tamyzdan bastap Qazaqstan aptasyna 23 reıs jıiligimen 6 baǵyt boıynsha 4 elge halyqaralyq áýe qatynasyn kezeń-kezeńimen qalpyna keltirdi:
- BAÁ (11 reıs) 2020 jyldyń 17 tamyzynan bastap Almaty – Dýbaı (6 reıs) jáne Nur-Sultan – Dýbaı (5 reıs) baǵyttary boıynsha;
- Germanııa (5 reıs) aǵymdaǵy jyldyń 18 tamyzynan Nur-Sultan – Frankfýrt (5 reıs);
- Belarýs (4 reıs) 2020 jyldyń 19 tamyzynan Almaty – Mınsk (2 reıs) jáne Nur-Sultan – Mınsk (2 reıs) baǵyttary boıynsha;
- Ýkraına (3 reıs) 2020 jyldyń 19 tamyzynan Almaty – Kıev (3 reıs).
Egıpetke reısterdi 2020 jyldyń 12 qyrkúıeginen bastap Almaty – Sharm-el-Sheıh baǵyty boıynsha qaıta jalǵasady dep josparlanýda.
2020 jyldyń 27 tamyzynan bastap Qazaqstan men Túrkııa arasyndaǵy turaqty jolaýshylar reısterine shekteýler alynady. Ushýlar Kóliktegi Bas sanıtarlyq dárigerdiń qaýlysyna sáıkes sanıtarlyq qaýipsizdiktiń joǵary sharalary jaǵdaıynda oryndalady. Elimizdiń barlyq áýejaıynda dezınfeksııalaý jumystaryn júrgizý boıynsha is-sharalar kúsheıtildi. Qoldy sanıtarlyq tazartý qondyrǵylary ornatylyp, karantın sharalary qatań saqtalýda (betperdeler men qolǵaptardy mindetti túrde kııý). Ǵımaratqa kire beriste jolaýshylar men áýejaı qyzmetkerleriniń baılanyssyz termometrııasy júrgiziledi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
